Sterenn an nord

Lakaet enlinenn d’an 28.12.2025,
daskemmet d’an 18.01.2026.

Berradurioù : niv. niverenn ; p. pajennoù ; pg. pennger ; st. eb. stumm etrebroadel.

Termenadur

Sterenn an nord, anv benel.

Steredenn eus steredeg Karr Ahez, Polaris hec'h anv skiantel, hag a verk an norzh. Heñvelsterioù : Steredenn an hanternoz, Steredenn an nord, Steredenn ar vartoloded, Steredenn hanternoz (ar), Sterenn (ar), Sterenn an hanternoz, Sterenn ar c'hreiznoz, Sterenn kreiznoz (ar), Sterenn vras en oabl (ar).

Takad arver

Testeniekaet eo e Molan hag e Rieg, ha treuzskrivet eo bet an distagadur « Stér’nn ’Nort » ha « [ˈstẹrən ˈnɔrt] ». (Bouzec, Goapper ha Souffez, 2017:36).

Testenioù

1732 : « Steredenn an nord, ſterenn an nord. ſterenn an hanter-nos. » (Rostrenenn, 1732:660b, pg. « Nord »). 1834 : « steredeñ an Nord, sterenn an Nord ou an Hanter-nos. » (Rostrenenn, 1834:176a, pg. « Nord »).

Levrlennadur

Aozer hag en deus un anv a zo disheñvel e stumm etrebroadel diouzh e stumm brezhonek : Gregor Rostrenenn, Grégoire de Rostrenen.

Oberennoù ha pennadoù

  • Bouzec, Mona ; Goapper, Jos ; Souffez, Yannick : 2017. Le breton des rives de l’Aven et du Bélon. Lannuon : An Alarc'h embannadurioù.
  • Rostrenen, Grégoire de : 1732. Dictionnaire françois-celtique, ou françois-breton. Roazhon : Julien Vatar.
  • Rostrenen, Grégoire de : 1834. Dictionnaire français-celtique, ou français-breton, eil levrenn. Gwengamp : Benjamin Jollivet.