tad-kozh-kuñv

Lakaet enlinenn d’ar 14.02.2023,
daskemmet d’an 18.02.2023.

Berradurioù : fesk. feskenn ; k. kartenn ; st. eb. stumm etrebroadel.

Termenadur

tad-kozh-kuñv, tadoù-kozh-kuñv, pennanv niveradus gourel.

Tad d’an tad-kozh pe d’ar vamm-gozh. Heñvelsterioù : gourdad-kozh, hendad-kozh, tad-ioù (ster 3), tad-ioù-kozh, tad-kozh (ster 2), tad-kozh e-raok, tad-kozh-ioù, tad-kun (ster 2), tad-kuñv.

mamm-gozh-kuñv.

Takadoù arver

Arveret eo ar ger etre kreiz ha biz Gorre-Leon, e hanternoz ar C'hab ha war aodoù kreisteiz Kernev. Testeniekaet eo e Plouvorn, e Beuzeg-ar-C'hab (An Du, 2001:k. 576) hag e Ploveur, Kloar-Fouenant, Nevez ha Kloar-Karnoed (Ar Rouz, 1963:k. 575).

Notenn

Distaget eo bet « tad-kozh-guñv » e Ploveur (Ar Rouz, 1963:k. 575).

Gerdarzh

Diwar ar pennanv tad-kozh hag an adanv kuñv.

Levrlennadur

Aozerien hag o deus un anv a zo disheñvel e stumm etrebroadel diouzh e stumm brezhonek : Yann an Du, Jean Le Dû ; Pêr ar Rouz, Pierre Le Roux.

Oberennoù ha pennadoù

  • Le Dû, Jean : 2001. Nouvel atlas linguistique de la Basse-Bretagne, levrenn 2. Brest : Centre de recherche bretonne et celtique, Université de Bretagne occidentale.
  • Le Roux, Pierre : 1963. Atlas linguistique de Basse-Bretagne, 6vet fesk. Roazhon : Plihon et Hommay.