tad

Lakaet enlinenn d’an 13.02.2023,
daskemmet d’an 19.06.2023.

Berradurioù : emb. gt. embannet gant ; fesk. feskenn ; k. kartenn ; s. o. sellet ouzh ; st. eb. stumm etrebroadel.

Termenadurioù

tad, -où, pennanv niveradus gourel.

Gwaz en deus ganet an den. Heñvelster : tata.

Tadig(où). Tad-kozh d’an tad-kozh pe d’ar vamm-gozh. Heñvelsterioù : gourdad-ioù (ster 1), gourdad-ioù-kozh, tad hebiou (sellet izeloc'h), tad-ioù (ster 2), tad-ker (ster 2), tad-koken (ster 2), tad-kozh-garv, tad-kun (ster 1).

Tadigoù. Tad d’an tad-kozh pe d’ar vamm-gozh. Heñvelsterioù : gourdad-kozh, hendad-kozh, tadig(où)-kozh, tad-ioù (ster 3), tad-ioù-kozh, tad-kozh (ster 2), tad-kozh e-raok, tad-kozhig(où), tad-kozh-kuñv, tad-kun (ster 2), tad-kuñv.

Tad hebiou. Tad-kozh d’an tad-kozh pe d’ar vamm-gozh. Heñvelsterioù : gourdad-ioù (ster 1), gourdad-ioù-kozh, tadig(où) (sellet uheloc'h), tad-ioù (ster 2), tad-ker (ster 2), tad-koken (ster 2), tad-kozh-garv, tad-kun (ster 1).

kerent, mamm, tud.

Evezhiadenn : evit ar sterioù hag an implijoù all, s. o. eil embannadur ar geriadur brezhoneg unyezhek emb. gt. An Here (Menard ha Kadored, 2001).

Takadoù arver

Arveret eo an droienn tad hebiou e kornôg Leon hag e gwalarn ar Vro Bidar, e hanternoz Kernev. Testeniekaet eo e Plourin-Gwitalmeze hag e Brasparzh (Ar Rouz, 1963:k. 575).

Testeniekaet eo ar furm bihanaat tadig er ster « tad-kozh d’an tad-kozh pe d’ar vamm-gozh » e Douarnenez (Ar Rouz, 1963:k. 575), hag implijet eo bet er ster « tad-kozh » e Bourc'h-Baz (Ar Rouz, 1963:k. 574).

Arveret eo ar furm tadigoù er ster « tad d’an tad-kozh pe d’ar vamm-gozh » e Bro Pondi. Testeniekaet eo e Noaial-Pondi hag e Klegereg (Ar Rouz, 1963:k. 575). Ha testeniekaet eo ivez er ster « tad-kozh d’an tad-kozh pe d’ar vamm-gozh » e Bro Fisel, e Plevin (Ar Rouz, 1963:k. 575).

Gerdarzh

Diwar ar pennanv tad hag an adanv kozh.

Levrlennadur

Aozer hag en deus un anv a zo disheñvel e stumm etrebroadel diouzh e stumm brezhonek : Pêr ar Rouz, Pierre Le Roux.

Oberennoù ha pennadoù

  • Menard, Martial ; Kadored, Iwan (renerien) : 2001. Geriadur brezhoneg. Plougastell-Daoulaz : An Here.
  • Le Roux, Pierre : 1963. Atlas linguistique de Basse-Bretagne, 6vet fesk. Roazhon : Plihon et Hommay.