arallbobl
Lakaet enlinenn d’an 18.10.2021,
daskemmet d’an 19.12.2022.
daskemmet d’an 19.12.2022.
Berradurioù : m. e br. gt. meneget e brezhoneg gant ; niv. niverenn, p. pajennoù.
Termenadur
arallbobl, adanv.
A denn d’ur bobl dizrann.
N' eus forzh pe anv a vez roet d' ar gudenn vreizhat : broadel, bihanniver broadel, arallpobl, douetus eo d' hor meno e vefe diskoulmet dre emglev, pe gentoc'h an diskoulm dre emglev ne zisoc'hfe war netra. (Marr, 1937, m. e br. gt. Penneg, 1976:145)
Gerdarzh
Diwar ar pennanv pobl hag ar rakger arall-.
Levrlennadur
Oberennoù ha pennadoù
- Marr, Nikolai : 1937. « Bretonskaja nacmenovskaja reč’ v uvjazke jazykov Afrevrazii » (Parlant ar bihanniver broadel brezhon e dave gant yezhoù Afrikaneurazia). Izbrannye raboty (Oberennoù dibabet), levrenn IV. Leningrad : Gosudarstvennaia akademia istorii material’noi kul’tury (Akademiezh Stad istor ar sevenadur danvezel). P. 198-229.
- Penneg, Per : 1976. « Ar Bonedoù Ruz ». Al Liamm, niv. 175, p. 144-146.