brazamzer

Lakaet enlinenn d’ar 06.07.2020,
daskemmet d’an 31.07.2020.

Berradurioù : niv. niverenn ; p. pajennoù ; pg. pennger(ioù) ; s. i. o. sellet ivez ouzh.

Termenadur

brazamzer, pennanv hollek gourel.

Amzer fall war vor, gant kalz avel ha gwagennoù bras.

Er bloavez 1746, eul lestr, da laeron-vor euz a Zant-Malo, gwalgaset gant ar bras-amzer a reas e ziskenn e porz Rosko (Ar Guennec, 1923:93)

Gerdarzh

Diwar ar pennanv amzer, hag ar rakger braz-.

Troidigezhioù

Er geriadurioù :

  • « gros temps » (ar Glev, 1988:pg. gros (adj.) ; s. i. o. ar Glev, 1994:pg. 1. temps)
  • brazamzer, « gros temps » (Menard, 2012:pg. gros1, temps)

Levrlennadur

Aozer hag en deus un anv a zo disheñvel e stumm etreboradel diouzh e stumm brezhonek : Reun ar Glev, René Le Gléau.

Oberennoù ha pennadoù

  • Ar Guennec, Louis : 1923. « Pôtred Rosko ». Feiz ha Breiz, niv. 3, Meurzh 1923, p. 92-96.
  • Le Gléau, René : 1988. Dictionnaire classique français breton. Tome V. Filet - Impuni. Brest : Al Liamm.
  • Le Gléau, René : 1994. Dictionnaire classique français breton. Tome X. Situation - Zygoma. Brest : Al Liamm.
  • Menard, Martial : 2012. Dictionnaire français-breton. Kemper : Palantines.