Tri Roue (an)

Lodenn eus ar steredeg anvet ar Ri pe ar Roue. Heñvelsterioù : Gouriz ar Ri, Rastell (ar) [ster 1].

Da c'houel Mikael da c'houlou-deiz.
E vez an tri Roue er c'hreisteiz. (Al Liamm, niv. 8, 1948:86)

Anavezout a ree anoiou meur a steredenn hag e lavare : Gwelet a ran ar C’harr, ar Yar hag an Tri Roue :
Tomm ’vo an heol arc’hoaz, mar plij gant Doue. (Ar Gow, 1955:165)

Ar Ri (ar Roue), anvet ivez ar Rastell: ar steredeg dispar-se a c’helli arvestiñ outi etre miz Kerzu ha miz Meurzh. Ne c’hellez ket c’hwitout warni: bezañ emañ ouzh hec’h ober teir steredenn welevus a-steud (war ul linenn) ha tost an eil d’eben [graet e vez anezhe an Tri Roue (anvet ivez Gouriz ar Ri)] ha div steredenn all gwelevus kenañ: — Mabon, arruz, lec’hiet war harzoù an Hent Gwenn, ur geursteredenn anezhi (400 gwezh brasoc’h he zreuzkiz eget hini an heol); — Riwall, arc’hlas, goursteredenn anezhi peogwir ez eo he zreuzkiz 33 gwezh breasoc’h eget hini an heol. (Seubil-Kernaodour, 1988:24b-25a)

Graet e vez an Tri Roue eus an teir steredenn a zo e-kreiz en enor an tri roue a gasas profoù d’ar mabig Jezuz pa c’hanas. (Seubil-Kernaodour, 1988:25a)