Tri Roue (an)

Steredeg Orion hec'h anv skiantel, pe lodenn anezhi. Heñvelsterioù : Gouriz ar Ri, Kastell (ar C'h.), Rastell (ar), Ri (ar), Roue (ar).

Da c’hoel Mikel, da c’houlou dé ,
Ar Tri-Roué vé er c’hreiz dé. (Brizeux, 1855:66) [Lenn : « An Tri-Roué ».]

Da c'houel Mikael da c'houlou-deiz.
E vez an tri Roue er c'hreisteiz. (Al Liamm, niv. 8, 1948:86)

Anavezout a ree anoiou meur a steredenn hag e lavare : Gwelet a ran ar C’harr, ar Yar hag an Tri Roue :
Tomm ’vo an heol arc’hoaz, mar plij gant Doue. (Ar Gow, 1955:165)

Tremenet e oa an Tri Roue hag ar C’hastell Karr Kamm gant al lizherennaouer moarvat rak un nebeud fazioù a oa en em silet e-korf an destenn. (Seubil-Kernaodour, 1988-b:24b)

1. Lodenn greiz eus steredeg ar Ri, teir steredenn a-steud ouzh hec'h ober. Heñvelsterioù : Gouriz ar Ri, Rastell (ar) [ster 1].

   Awechou gand eurvad he zellou a starde
   War an teir stereden galvet an tri roue ;
   Pe war an Ours-Vihan, Sirius, an Ours-Vraz,
   War ar C’haor, an Dragon, al Léon ha Pegaz. (Kadioù, 1886:12)

   Ar Ri (ar Roue), anvet ivez ar Rastell: ar steredeg dispar-se a c’helli arvestiñ outi etre miz Kerzu ha miz Meurzh. Ne c’hellez ket c’hwitout warni: bezañ emañ ouzh hec’h ober teir steredenn welevus a-steud (war ul linenn) ha tost an eil d’eben [graet e vez anezhe an Tri Roue (anvet ivez Gouriz ar Ri)] ha div steredenn all gwelevus kenañ: — Mabon, arruz, lec’hiet war harzoù an Hent Gwenn, ur geursteredenn anezhi (400 gwezh brasoc’h he zreuzkiz eget hini an heol); — Riwall, arc’hlas, goursteredenn anezhi peogwir ez eo he zreuzkiz 33 gwezh breasoc’h eget hini an heol. (Seubil-Kernaodour, 1988-a:24b-25a)

   Graet e vez an Tri Roue eus an teir steredenn a zo e-kreiz en enor an tri roue a gasas profoù d’ar mabig Jezuz pa c’hanas. (Seubil-Kernaodour, 1988-a:25a)

2. Steredeg Orion hec'h anv skiantel. Heñvelsterioù : Kastell (ar C'h.), Rastell (ar) [ster 3], Ri (ar), Roue (ar).

   Henvel a rêr Contellation eur vandennat steret hac a zeblant ober eur gompagnunez e-unan , evel constellation Orion , hanvet an tri roué , hac en pehini , eb ma n’em doueter a zo dec-ha-pêvar-ugeuent stéréden. (Lebreton, 1848:23) [Lenn : « Constellation ».]