Rastell (ar)

Steredeg Orion hec'h anv skiantel, pe lodenn anezhi. Heñvelsterioù : Gouriz ar Ri, Kastell (ar C'h.), Ri (ar), Roue (ar), Tri Roue (an).

Gwelout a raed ar stered an eil disparti diouzh eben pe stok-ha-stok. Stered hag o deus kalz eus ar Vretoned ankounac'haet o anv : ar Sterenn gant an daou Garr-Kamm hag etrezo ar Sarpant, neuze linennoù kamm-jilgamm Kasiopeia, ar Yar gant hec'h Evned bihan, ar Rastell, ar Rod-Arc'hant, ar C'hi bras gant e lagad c'hlas, ar C'hi bihan, ar Maen-Forn, an Daou Vreur Gevell, Kroaz ar C'hreisteiz... Ar planedennoù brudet... (Barr Heol, niv. 31, 1962:18-19)

Ken glan ha ma ’z eo an aer er vro-se e weler miliadoù a stered en oabl. Klask a reomp ar re a anavezomp : ar C’harr Kamm bras hag an hini bihan, ar Sterenn, ar Yar-Wenn hag hec’h evned, ar Rastell, Hent Sant Jakez, h.a. (Konan, 1964:265)

1. Lodenn greiz eus ar steredeg anvet ar C’hastell, ar Ri pe ar Roue, graet gant teir steredenn a-steud. Heñvelsterioù : Gouriz ar Ri, Tri Roue (an).
2. Lodenn eus ar steredeg anvet ar C’hastell, ar Ri pe ar Roue, hag a ya d’ober ur wareg d’ar Ri.

   ar stered a weler a-zioc’h Kerspern eo ar Rastell (Trepoz, 2009:157, § 277)

3. Steredeg Orion hec'h anv skiantel. Heñvelsterioù : Kastell (ar C'h.), Ri (ar), Roue (ar).

   Ar Ri (ar Roue), anvet ivez ar Rastell: ar steredeg dispar-se a c’helli arvestiñ outi etre miz Kerzu ha miz Meurzh. (Seubil-Kernaodour, 1988:24b)