Ri (ar)

Steredeg Orion hec'h anv skiantel. Heñvelsterioù : Kastell (ar C'h.), Rastell (ar) [ster 3], Roue (ar).

Ar Ri (ar Roue), anvet ivez ar Rastell: ar steredeg dispar-se a c’helli arvestiñ outi etre miz Kerzu ha miz Meurzh. (Seubil-Kernaodour, 1988-a:24b)

Dindan ar Ri ez eus ur steredeg all heneuz a-walc’h anvet Kammed Heulwenn. (Seubil-Kernaodour, 1988-a:25b)

A-gleiz d’ar Ri, etre ar C’hi Bihan hag ar C’hi Bras menegomp ivez an Unkorneg, bras hag amsplann… (Seubil-Kernaodour, 1988-a:25b)

Tachad ar Ri zo kaerañ lodenn bolz an neñvoù. (Seubil-Kernaodour, 1988-a:25b)

Pa vez huel ar Ri en oabl e c’heller niveriñ seizh steredenn c’houloù en tachad-oabl strizh-mañ: c’hwec’h anezhe a ra ur c’hwec’hkogn (ar Saezh, Amaezhon, Kian, Steredenn ar C’hi, Riwall ha Ruzan) hag ar seizhvet, en e greiz, Mabon, an hini welevusañ. (Seubil-Kernaodour, 1988-a:25b)

E-treuzarbenn emañ ar Grug hag ar Ri en oabl, setu nepred ne vezont gwelet a-gevret. (Seubil-Kernaodour, 1988-b:20b)