keltegezh

Lakaet enlinenn d’ar 05.08.2022.

Berradurioù : niv. niverenn ; p. pajennoù, ub. unan bennak ; udb. un dra bennak.

Termenadur

keltegezh, pennanv hollek benel.

Perzh ub. pe udb. a zeu eus ur bobl a orin kelt.

Strivañ a reont da bellaat diouzh o c’hudennoù-int hag o buhez, ha nac’h a reont loc’hañ diwar o digenvez end-eeun dre leuniañ ar goullo gant mojennoù : ur « yezh komprenadus evit an holl », ar « geltegezh ». (An Noalleg, 1978:58)

Gerdarzh

Diwar ar pennanv Kelt hag al lostger -egezh.

Levrlennadur

Oberennoù ha pennadoù

An Noalleg, Chantal : 1978. « Digant Chantal an Noalleg ». Emsav, niv. 124, 1977. P. 56-59.