-ezon

Lakaet enlinenn d’ar 07.08.2020,
daskemmet d’ar 04.11.2021.

Termenadurioù

-ezon, lostger.

Lostger a stager ouzh ur bennrann verb hag a dalvez da sevel ur pennanvioù.

  1. Barregezh da ober.

    komprenezon

  2. Disoc'h an ober.

Evezhiadennoù :

  • Benel eo ar pennanvioù a zo savet war-bouez al lostger -ezon.
  • Ar gerioù donezon ha levezon ned int ket deveradoù.

Gerdarzh

Lostger a orin romanek (Trépos, 2009:80), da lavaret eo diwar ar galleg -aison.

Evezhiadenn :

Gwelet eo bet al lostger-mañ er gerioù donzeon ha levezon (Trépos, 1968:120). Hogen ar gerioù-se ned int nemet amprestadennoù diwar ar galleg kozh donoison ha levaison (Deshayes, 2003), pe moarvat kentoc'h diwar an adstumm donaeson (Godefroy, 1883:743) evit an hini kentañ. Ne c'hall ket donezon ha levezon bezañ deveradoù : ned int ket savet war ur bennrann verb e brezhoneg.

Levrlennadur

Oberennoù ha pennadoù

  • Deshayes, Albert : 2003. Dictionnaire étymologique du breton. Douarnenez : Chasse-Marée.
  • Godefroy, Frédéric : 1883. Dictionnaire de l’ancienne langue française et de tous ses dialectes du IXe au XVe siècle composé d’après le dépouillement de tous les plus importants documents manuscrits ou imprimés qui se trouvent dans les grandes bibliothèques de la France et de l’Europe et dans les principales archives départementales, municipales, hospitalières ou privées – Tome deuxième : Casteillon – Dyvis. Pariz : F. Vieweg.
  • Trépos, Pierre : 1968. Grammaire bretonne (1añ embannadur). Roazhon.