skorn

Lakaet enlinenn d’ar 17.06.2020,
daskemmet d’an 03.11.2021.

Berradurioù : emb. gt. embannet gant ; l. levrenn ; niv. niverenn ; p. pajenn(où) ; s. o. sellet ouzh ; st. eb. stumm etrebroadel.

Termenadurioù

skorn, -ioù, -eier, pennanv gourel.

  • Skornioù. Gwiskadoù, yoc'hoù pe dolzennadoù skorn : frim, grizilh, kazarc'h, kler, morskorneg, rev, revennoù, riell, sklas, sklasennoù, skorngrec'hioù, skornredennoù.
    Unan deuz ar re vrudeta deuz ar baleerien-ze, a zo Franklin, marvet gant an naon e-kreiz ar skorniou gant an holl vartoloded a oa war e zaou lestr an Erebus hag an Terror en 1847. (Gourvil, 1909)
    An holl dud o deuz losket o buez e-kreiz ar skorniou evit ar wiziegez a zellid e ve merket o hano war roll-verzerien an Araokaat. (Gourvil, 1909)
    Ama vout bleuniou
    Zo trec’h d’ar skorniou,
    Ha gwriennet mad
    Zisfi ar stourmad.     (Perceval Grave ha Jaffrennou, 1927:792)
  • Skorneier. Kementadoù bras-meurbet a skorn e stumm gwiskadoù, yoc'hoù pe dolzennadoù skorn.
    Gourdoniñ, dastum nerzh ha pourvezioù a zo ret ober evel ma ra an dud a-benn treuziñ ur gouelec'h pe dremen ur goañvezh e kreiz skorneier ar pennoù-ahel. (Al Liamm, niv. 119, 1966, p. 441)

Evezhiadenn : evit ar sterioù hag an implijoù all, s. o. eil embannadur ar geriadur brezhoneg unyezhek emb. gt. An Here (Menard ha Kadored, 2001).

Levrlennadur

Aozer hag en deus un anv a zo disheñvel e stumm etrebroadel diouzh e stumm brezhonek : Frañsez Jaffrennou, François Jaffrennou.

Kelaouenn

Al Liamm, niv. 119, Du-Kerzu 1966, « A-benn treuziñ ar gouelec'h », p. 440-446.

Oberennoù ha pennadoù

  • Gourvil, F. : 1909. « Broiou ar Skorn ». Ar Bobl, niv. 258, Sadorn 4 a viz Du 1909, p. 1.
  • Perceval Graves, Alfred ; Jaffrennou, François (troer) : 1927. « Son ar Brug ». Le Consortium Breton – “ Ar C’hevre Breizek ”, l. 2, niv. 7, Eost 1927, p. 792-793.
  • Menard, Martial ; Kadored, Iwan (renerien) : 2001. Geriadur brezhoneg. Plougastell-Daoulaz : An Here.