ruilhal

Lakaet enlinenn d’ar 04.03.2023,
daskemmet d’an 12.03.2023.

Berradurioù : emb. gt. embannet gant ; s. o. sellet ouzh.

Termenadurioù

ruilhal, verb trazeat eeun hag antrazeat.

  1. Verb trazeat eeun. (Diwar-benn ar gensonenn r.) Distagañ dre lakaat beg an teod pe an hugenn da zaskrenañ. Heñvelster : rollañ. Enepster : riklañ

    Implijet da adanv. [En adanor.]

    /r/ a zo e-giz un /d/ laosk-mat ha ruilhet-kaer diwar an teod o taskrenan̂ (divouezhian̂ a oar ober, dre sandhi: sl. § c a-us ha c izeloc'h). (Evenou, 1987:270)
  2. Verb antrazeat. (Diwar-benn ar gensonenn r.) Bezañ distaget dre lakaat beg an teod pe an hugenn da zaskrenañ.

    Lakaat [un r] da ruilhal. Heñvelster : rollañ. Enepster : riklañ.

    Distaget he deus an ano en ur lakaat an « r » da ruilhal, hervez mod ar C’hapenned, ha pouezet he deus war ar silabenn ziweza « io ». Orr-io !… (Drezen, 1941:71-72)

Evezhiadenn : evit ar sterioù hag an implijoù all, s. o. eil embannadur ar geriadur brezhoneg unyezhek emb. gt. An Here (Menard ha Kadored, 2001).

Gerdarzh

Diwar an henc'halleg ruiller (Deshayes, 2021).

Levrlennadur

Oberennoù ha pennadoù

  • Deshayes, Albert : 2021. Dictionnaire étymologique du breton. Ar Chapel-Ervoreg : Éditions Label LN.
  • Drezen, Youenn : 1941. Itron Varia Garmez. Skrid ha Skeudenn.
  • Evenou, Erwan : 1987. Description phonologique du breton de Lanvénégen (canton du Faouët, Cornouaille) – Studi fonologel brezhoneg Lanijen (kanton ar Faoued, Kernev). Thèse pour le Doctorat Unique sous la direction de monsieur le professeur Pierre Denis – Per Denez. Roazhon.
  • Menard, Martial ; Kadored, Iwan (renerien) : 2001. Geriadur brezhoneg. Plougastell-Daoulaz : An Here.