houarnvarc'heg

Lakaet enlinenn d’ar 05.11.2021,
daskemmet d’ar 06.11.2021.

Berradurioù : niv. : niverenn ; p. pajennoù.

Termenadur

houarnvarc'heg, houarnvarc'heien, pennanv niveradus gourel.

Marc'heger gwarezet, evel e varc'h, gant ur gwiskamant houarn.

C’houekat dihued a saouren em c’hreiz, ha d’am dremm menel digas a-grenn, pa welen ar mell saeziou, ar peziou boledou maen diwar va binviou o skei ouz torgenn, a-steudadou, an houarnvarc’heien kriz, divergont ha lorc’hus-se ! (Mordiern, 1938:69)
An houarnvarc'heien meneget el linenn-se eo an hobregoneien begek o zokhouarn anvet cataphracti, cataphractarii gant ar Romaned. Golôet a houarn e oant penn-kil-ha-troad, i hag o c'hezeg. Ar gwiskamant-brezel-se, aet d’hen ober pe skantennou pe lagadennou, a zo deuet da veza hini ar varc’heien gant poblou Kornog-Azia, Persed, Parthed, Armeniz, Sarmated, Alaned, etro derou an oadvez kristen. (Mordiern, 1942:180)

Gerdarzh

Diwar ar pennanv marc'heg, rakgeriet outañ ar pennanv houarn.

Troidigezh

E latin : houarnvarc'heg, « cataphracti, cataphractarii » (Mordiern, 1942:180).

Levrlennadur

Oberennoù ha pennadoù

  • Mordiern, Meven : 1938. « Gant luoez an doueed (huñvre) ». Gwalarn, niv. 115-116, Mezheven-Gouere 1938.
  • Mordiern, Meven : 1942. « « Talar an « Houc'h » : Divankaduriou, notennou hag eveziadennou d’am skridou brezonek (1911-1941) ». Gwalarn, niv. 146-147, Meurzh-Ebrel 1942, p. 157-220.