brateller

Lakaet enlinenn d’ar 16.06.2020,
daskemmet d’ar 26.11.2021.

Berradurioù : niv. niverenn ; p. pajennoù ; st. eb. stumm etrebroadel.

Termenadur

brateller, -ion, pennanv niveradus gourel.

Den a ra a-enep e emouestlad pe e zlead e-keñver unan bennak pe un dra bennak. Heñvelsterioù : treitour, trubard, yudaz.

forzh penaos ez eo hemañ ur brateller dre anien (Emsav, niv. 128, 1978)

Gerdarzh

Diwar -bratell-, pennrann ar verb bratellañ, hag al lostger -er.

Troidigezhioù

Er geriadurioù :

  • brateller, « trompeur » (Vallée, 1931),
  • brateller, « traître, trompeur, dupeur » (Hemon, 1962),
  • brateller, « traître » (ar Merser, 2009),
  • brateller, « dupeur » (Menard, 2012).

Levrlennadur

Aozerion hag o deus un anv a zo disheñvel e stumm etrebroadel diouzh e stumm brezhonek : Emil Ernod, Émile Ernault ; Roger an Nestour, Roger Le Nestour ; Reun ar Rouz, René Le Roux ; Frañsez Vallée, François Vallée.

Oberennoù ha pennadoù

  • Ar Merser, Andreo : 2009. Ar Geriadur – Dictionnaire breton-français, français-breton. Brest : Emgleo Breiz.
  • Hemon, Roparz : 1980. Geriadur Istorel ar Brezhoneg – Dictionnaire historique du breton. Rann 5, Bezoud - Briaat. Eil embannadur. Preder.
  • Menard, Martial : 2012. Dictionnaire français-breton. Kemper : Palantines.
  • Le Nestour, Roger : 1978. « Broadelourion ha « Sokialourion vroadel » gall ar bloavezhioù 1890 ». Emsav, niv. 128, p. 20-62.
  • Vallée, François : 1931. Grand dictionnaire français-breton. Roazhon : Édition de l'Imprimerie commerciale de Bretagne. [Adembannet e 1980. Grand dictionnaire français-breton suivi du « Supplément » avec le concours de E. Ernault & R. Le Roux. Groñvel : Kevredigezh vreizhat a sevenadurezh.]