poulifrenn

Lakaet enlinenn d’an 08.08.2020,
daskemmet d’ar 06.12.2021.

Berradurioù : m. gt. meneget gant ; niv. niverenn ; p. pajenn(où) ; st. eb. stumm etrebroadel ; udb. un dra bennak.

Termenadur

poulifrenn, -où, pennanv niveradus benel.

Kementad gwall vihan, hogozik netra.

Ha c’hoas ma n’en em guemerit ket abred, ne allot ket lavaret : lezel a ran… hag ho tanvez ne daint ket eleac’h m’o pezo c’hoant! Ar maro-ta ne lezo ket eur boulifren ganeoc’h. (Lefebvre ha Morvan, 1867:53)
Gant ho koad eo livet
Kement a ev ar reusklen ;
N’hellit kaout eur boulifren
Ganthan na vez lipet.
(Feiz ha Breiz, niv. 119, 1867)
E carteriou so ne gafet mui eur boulifren da zibri. (Morvan, 1868:82)
Tud ar geriaden, christenien ha paianed, n’eus ket lezet eur boulifren gantho. Ar riz a dlie hor maga beteg an eost, moc’h, ier, ejennet, oll int eat gantho. (Morvan, 1873)
Ar vugale, emezan outha he hunan, a dle pourvei da ezomou o zud pa vezont deuet var an oad ac eat re gabac’h. Va re-me m’oarvad o deus ankounac’heat ar gentel-ze eus o c’hatekismou ha ne deuint ket vardro o zad o veza ma ne c’hedont mui eur boulifren heritaj dious o mam. (Kannad Arvor, niv. 1431, 1907)
Hogen, anat eo e labouris en un doare hiniennel dre en em stummañ ouzh ar gerioù arnevez, rak ne oan gouest da gompren nemet pilifrennoù eus ar breutadurioù aozet er mare-se. (Emsav, niv. 72, 1972)

[En e furm vihanaat.]

Gwilifrenn : ur vilifrennig amann, ur vilifrennig vara ; un tammig bihan-bihan. (Denez, 1952:43)

Na gompren ur boulifrenn en udb.

N’oun ket kustum da veza dientent, nemet hizio eo tapet va spered genaouek. Ne gomprenan ket eur vulufenn er pez a c’hoarvez. (Riou, 1941:51)

Evezhiadenn : arveret en unander hag e-barzh frazennoù er stumm-nac'h peurliesañ.

Troidigezh

« pilifrenn b. très petite quantité » (Chantal an Noalleg ha Yann-Baol an Noalleg, m. gt. Étienne, 2006:25).

Levrlennadur

Kazetenn hag he deus un anv a zo disheñvel e stumm etrebroadel diouzh e stumm brezhonek : Kannad Arvor, Le Courrier du Finistère.

Kelaouennoù ha kazetennoù

  • Emsav, niv. 72, Kerzu 1972, « Danevelloù obererezh. Emzezrann », p. 391-395.
  • Feiz ha Breiz, niv. 119, 11 a viz Mae 1867, « Ar vesventi », p. 416.
  • Le Courrier du Finistère, niv. 1431, 15 a viz Mezheven 1907, « Marvaillou divarben Yannik », p. 3.

Oberennoù ha pennadoù

  • Denez, Per : 1952. « Rannyezh Douarnenez. (Dibenn) ». Al Liamm, niv. 34, Gwengolo-Here 1952, p. 43-51.
  • Étienne, Guy (rener) : 2006. Lavar 17. Ploveilh : Preder.
  • Lefebvre, Alexis ; Morvan, Goulven (troer) : 1867. Scol ar maro mad pe Levr breuriez ar maro mad tennet eus eul levr gallec grêt gant an tad Al. Lefebvre, a Gompagnunez Jesus, laket e brezonec dre urs an aotrou’n Escop a Guemper, gant G. M. Kemper : Ar. de Kerangal.
  • Morvan, Goulven : 1868. « Kemper, 11 Ebrel 1868 ». Feiz ha Breiz, niv. 167, 11 a viz Ebrel 1868, p. 81-84.
  • Morvan, Goulven : 1873. Feiz ha Breiz, niv. 446, 16 a viz Eost 1873, « Missionou », p. 227.
  • Riou, Jakez : 1941. Nemenoe oe ! – skrid J. Riou skeudennou P. Peron. Brest : Skrid ha Skeudenn.