sportva

Lec'h a zegemer kevezadegoù sport hag arvesterien. Heñvelsterioù : redva, stad.

Klevet hon eus e teuio c’hoarierien Sportva Roazon da Lanuon gant deiz kenta ar bloaz. Stourm a raint, war dachenn Sportva Lanuon, ouz eun dibab eus c’hoarierien ar vro. (Arvor, niv. 48, 1941:1b)

Mestrelez ar Re-Vihana : Re-Vihana Sportva Charlez-Bleiz a zo trec’h da re War-Raok, gant 1 da 0. (Arvor, niv. 51, 1941:1d)

Tamm ha tamm avat e savas kriadeg er sportva : ne oa hini ebet eus an daou laz-c’hoari gouest da gemer e greñv war egile. (Konan, 1944-a:4k)

Klevout a raed kriadennoù divalav : « Prenet out ! Gwerzhet out ! Siler-koavon ! Termer ! Da g…t ! »… Ma voe ret bountañ anezhañ prim-ha-prim e « lec’h-distro » ar sportva, prennañ warnañ ha lakaat daou bolis armet dirak an toull da virout ouzh an dud a zonet da glask digeriñ hag ober e stal outañ. (Konan, 1944-b:3k)

Bepred ne voe gallet leuskel barner ar c’hrogad start-se nemet un eur goude; ranket e voe gortoz ken na vije skarzhet ar sportva hag aet ar c’hoarierion eus ar gwisklec’h, bet ganto o douradenn. (Konan, 1944-b:3k)

N' eo ket Svediz dre vras a-enep an tailhoù-se, rak talvezout a reont da asur gounidoù kevredadel a-bouez (skolioù digoust-krenn, prestoù d' ar priedoù nevez, prestoù evit an annezioù, roadoù dereat d'ar re gozh) ha da grouiñ paramantadurioù a-vremañ (hentoù, karterioù arnevez er c'hêrioù, lennoù-neuiñ digoust, sportvaoù, h.a.). (Thibault, 1971:118)

Da zek eur, neuze, e teu ur c'habiten all, hag a lavar dezho : « teurvezit ma c'houlennin diganeoc'h kaout ar vadelezh da vezañ hegarat a-walc'h da zont betek ar sportva da dommheoliañ ha da c'houde, gant ma ne viot ket re skuizh, e vo graet un tamm embregerezh armoù ». (Kivijer, 1975:185)