Marc'h

Steredeg Pegasus hec'h anv skiantel. Heñvelsterioù : Eskellvarc'h, Marc'h (ar), Marc'h Askellek, Pegasos.

Marc’h hañval ouzh ur marc’h askellek a vefe graet e askell dric’hornek gant teir steredenn all ar c’harrez (ar bedervet o vezann penn Eseot). (Seubil-Kernaodour, 1988-a:23b)

An Tourzh: steredeg amspis-kenan; emañ penn an Tourzh war-vetek nebeut hanter-hent etre Eseot–Marc’h hag ar Yar hag hec’h evned; hag er penn-se emañ an div steredenn skedusañ eus ar steredeg. (Seubil-Kernaodour, 1988-b:18a)

Ar Morvil, steredeg strizh hag amsplann, a c’helli gwelet etre Here ha Genver e-barzh un tachad rouez eus an oabl; rannet eo diouzh Eseot gant an Eoged; emañ e vuzell war ul linenn oc’h eren ar Sterenn, penn Eseot hag un tu eus karrez bras Marc’h. (Seubil-Kernaodour, 1988-b:22b)

Ar Roue Pesketaer zo ur steredeg lec’hiet er su na vez gwelet peurvuiañ nemet ar steredenn bennañ anezhi: Pellez, glaswenn, anezhi unan eus an ugent steredenn gwelevusañ an oabl; kavout a ri anezhi dre dresañ un eeunenn adalek div steredenn ar c’harrez bras (a-du gant Marc’h). (Seubil-Kernaodour, 1988-b:22b)