Yar (ar)
Lakaet enlinenn d’an 22.02.2025,
daskemmet d’an 12.03.2025.
daskemmet d’an 12.03.2025.
Berradurioù : emb. embannadur ; st. eb. stumm etrebroadel.
Termenadur
Yar (ar), anv benel.
Gronnad digor er steredeg anvet ar Maen-Forn pe an Tarv, Pleiades e anv skiantel ha M45 e anv e Katalog an nivlennoù-egor hag ar gronnadoù stered gant Charlez Messier. Heñvelsterioù : Neizh Yar (an), Ster ar bouilhard, Yarad Poñsined (ar), Yar gant hec'h Evned Bihan (ar), Yar hag hec'h Evned (ar), Yar hag he Laboused (ar), Yarig (ar), Yarig hag he Fichoned (ar), Yarig hec'h Evned, Yarig Wenn (ar), Yarig Wenn hag he C'hwec'h Evn (ar), Yar Wenn hag hec'h Evned (ar).
— Seiz heol ha seiz loar,
Seiz planeden gand ar iar,
Seiz elfen gand bleud ann ear. (Kervarker, 1846:6)
Anavezout a ree anoiou meur a steredenn hag e lavare : Gwelet a ran ar C’harr, ar Yar hag an Tri Roue :
Tomm ’vo an heol arc’hoaz, mar plij gant Doue. (Ar Gow, 1955:165)
Levrlennadur
Aozer hag en deus un anv a zo disheñvel e stumm etrebroadel diouzh e stumm brezhonek : Kervarker, Théodore Hersart de La Villemarqué.
Oberennoù ha pennadoù
- Ar Gow, Yeun : 1955. E skeud tour bras sant Jermen. Ar Baol : Impr. La Mouette.
- La Villemarqué (Hersart de), Théodore : 1846. Barzaz-Breiz – Chants populaires de la Bretagne recueillis et publiés avec une traduction française, des arguments, des notes et les mélodies originales. Pevare emb. Pariz : A. Franck ; Leipzig : A. Franck. [Kentañ emb. : 1839. Barzas-Breiz. Pariz : Charpentier.]