Kastelodenn (ar G.)
daskemmet d’ar 01.03.2025.
Berradurioù : niv. niverenn ; p. pajennoù.
Termenadur
Kastelodenn (ar G.), anv benel.
Steredeg Ursa Major hec'h anv skiantel, pe lodenn heverkañ anezhi graet gant he seizh steredenn skedusañ. Heñvelsterioù : Arzh (an), Karr (ar C'h.), Karr Arzhur, Karr Bras (ar C'h.), Karrig Kamm (ar C'h.), Karr Kamm (ar C'h.), Karr Kamm Bras (ar C'h.), Kastell ar Seizh Ejen-Arat, Kastell-Karr Bras (ar C'h.), Kastell-Karr Kamm (ar C'h.), Kastell-Karr Kamm Bras (ar C'h.), Lost Arar (al), Seizh Ejen (ar), Seizh Ejen-Arat (ar), Seizh steredenn an Hanternoz.
Takad arver
Testeniekaet eo e Banaleg hag e Rieg, ha treuzskrivet eo bet « Ar Gastelorenn », « ’n Gaslor’nn » ha « [ŋˌɡasəˈloːrən] ». (Bouzec, Goapper ha Souffez, 2017:37).
Levrlennadur
Oberennoù ha pennadoù
Bouzec, Mona ; Goapper, Jos ; Souffez, Yannick : 2017. Le breton des rives de l’Aven et du Bélon. Lannuon : An Alarc'h embannadurioù.